Першая серада без агульнай аўдыенцыі з Бэнэдыктам XVI
6 сакавіка – першая
серада без агульнай аўдыенцыі з Бэнэдыктам XVI пасля заканчэння яго пантыфіката. За
8 гадоў ён правёў 348 агульных аўдыенцый, на якіх прысутнічала больш за 5 млн. чалавек.
Падчас іх, Папа звяртаўся да вернікаў з катэхезамі на розныя тэмы: ад першых апосталаў
да малітвы і значэнні Года веры. Першая агульная аўдыенцыя з Бэнэдыктаv XVI адбылася
27 красавіка 2005 г. Тады ён патлумачыў, чаму абраў у якасці папскага імені менавіта
імя “Бэнэдыкт”. Папа тлумачыў, што гэты яго выбар звязаны з двума вялікімі постацямі
ў гісторыі Касцёла: Бэнэдыктам ХV – Папам міру, які кіраваў Касцёлам перад і пасля
І Сусветнай вайны; а таксама з асобай св. Бэнэдыкта Нурсійскага – апекуна Еўропы.
“На пачатку майго служэння ў якасці Наступніка св. Пятра прашу св. Бэнэдыкта дапамагчы
захаваць монцым цэнтральнае месца Хрыста ў нашым жыцці. Ён, няхай будзе заўсёды на
першым месцы ў нашых думках і ў кожнай нашай дзейнасці”, - казаў Папа.
Думку,
аб фундаментальнай ролі Хрыста ў жыцці чалавека Бэнэдыкт XVI паглыбіў 17 кастрычніка
2012 г., калі пачаў цыкл катэхез прысвечаных Году веры. Тады, ён адзначыў, што неадходна
з энтузіазмам пачаць верыць ў Езуса.
“Гаворка ідзе пра сустрэчу не з ідэяй
ці жыццёвым праектам, але з жывой Асобай. Сустрэчу, якая глыбока перамяняе нас саміх,
адкрываючы нашу сапраўдную ідэнтычнасць сыноў Божых. Сустрэча з Хрыстом абнаўляе нашы
чалавечыя адносіны, скіроўваючы іх, дзень за днём, да большай салідарнасці і братэрства,
у логіцы любові. (...) Гэта перамена, якая ахоплівае ўсё жыццё, ахоплівае нас цалкам:
пачуцці, сэрца, розум, волю, цялеснасць, эмоцыі, чалавечыя адносіны”, - казаў Пантыфік
на пенсіі. Падчас сваёй апошняй аўдыенцыі, 27 лютага, Бэнэдыкт XVI заклікаў памятаць,
што менавіта Бог вядзе Касцёл і падтрымлівае яго, асабліва ў цяжкія моманты. “Не будзем
ніколі губляць такога бачання веры, якое з’яўляецца адзіным праўдзівым бачаннем Касцёла
і свету”, - сказаў ён.