Насычанае падзеямі
падарожжа ў Бразілію чакае папу Францішка 23-28 ліпеня 2013 г. Праграму візіта Святога
Айца ў гэту краіну, з нагоды XXVIII Сусветных дзён моладзі, была прадстаўлена 7 мая
Залай Друку Апостальскай Сталіцы. У ёй прадугледжаны сустрэчы Папы з касцёльнымі і
дзяржаўнымі ўладамі краіны, малітва ў марыйным санктуарыі, удзел у споведзі моладзі,
наведванне хворых, зняволеных і залежных ад алкаголя і наркотыкаў. Папа прыбудзе ў
Рыа-дэ-Жанейра вечарам 22 ліпеня і здзейсніць “візіт ветлівасці” да Прэзідэнтам краіны.
Затым ён будзе мець дзень адпачынку. 24 ліпеня Францішак накіруецца ў марыйны санктуарый
Апарэсіда, дзе ўзначаліць св. Імшу, а затым паабедае з мясцовымі біскупамі і семінарыстамі.
Вечарам, гэтага дня ён наведае бальніцу св. Францішка Асізскага ў Рыа-дэ-Жанейра.
25 ліпеня Папа прыме ўдзел у цырымоніі благаслаўлення алімпійскіх сцягоў і атрымае
сімвалічныя ключы ад горада. Пасля гэтага ён накіруецца ў адзін з самых бедных раёнаў
Рыа – трушчобы “Вархінія” дзе сустрэнецца з мясцовымі жыхарамі. Вечарам запланавы
ўдзел Святога Айца ў моладзевым свяце на знакамітым пляжы “Кокакабана”.
Раніцай
26 ліпеня Папа паспавядае некаторых удзельнікаў Сусветных дзён моладзі і сустрэнецца
з групай маладых зняволенымі. Пантыфік памоліцца “Анёл Панскі” разам з вернікамі сабранымі
каля палацу арцыбіскупа і павячэрае з некаторымі маладымі людзьмі. Закончыцца дзень,
тэатралізаваным Крыжовым шляхам на пляжы Кокакабана.
У суботу 27 ліпеня, у
праграме Папы Эўхарыстыя з біскупамі, святарамі, законнікамі і законніцамі, якія прыбылі
на Сусветныя дні моладзі, а таксама сустрэча з палітычным кіраўніцтвам Бразіліі. На
вечар запланавана чуванне з моладзю, на полі “Campus Fidei” у прыгарадзе Рыа-дэ-Жанейра.
Гэта месца здольнае умясціць каля 2 млн. чалавек. Кульмінацыяй падарожжа Папы
стане св. Імша, якая адбудзецца раніцай 28 ліпеня. Пасля яе Святы Айцец узначаліць
малітву “Анёл Панскі” сустрэнецца з каардынацыйным камітэтам Біскупскай Канферэнцыі
краін Лацінскай Амерыкі і валанцёрамі, якія дапамагалі ў арганізацыі форума. Каля
19.00 Францішак пакіне Бразілію і накіруецца ў Рым.