Апартэідам у Еўропе
назвала сітуацыю хрысціян аўстрыйская даследчыца Гудрун Куглер. 22 мая на канферэнцыі
пад эгідай АБСЕ ў Тыране яна прадставіла справаздачу Цэнтра кантролю за неталерантнасцю
і дыскрымінацыяй хрысціян у Еўропе за 2012. Паводле вынікаў даследвання, вызнаўцы
Хрыста на Старым кантыненце працягваюць заставацца большасцю, якую дыскрымінуе меншасць.
Куглер параўнала такую сітуацыю з апартэідам – палітыкай дыскрымінацыі чорнаскурага
насельніцтва, якая праводзілася ў Паўднёва-Афрыканскай Рэспубліцы. У справаздачы,
у залежнасці ад кшталту праблем, вылучаны дзве геаграфічныя зоны ў Еўропе – на усход
і захад ад Вены. У першым выпадку дыскрымінацыя праяўляецца пераважана ў цяжкасцях
з атрыманнем візаў для місіянераў, перашкодах у выхаванні духавенства і навучанні
рэлігіі ў школах. У другім, гаворка ідзе пра больш чым 800 выпадкаў неталерантнасці
і дыскрымінацыі, зарэгістраваных на працягу апошніх пяці гадоў.
На прыклад
у Вялікабрытаніі ў 2011 г. каля 74% хрысціян прызналіся, што адчуваюць сябе дыскрымінаванымі.
Больш за 60% хрысціян сустракалася з выпадкамі неталерантнасці ў публічных месцах
і на працы, а 71% – заўважылі пашырэнне маргіналізацыі хрысціян з боку СМІ.
У
15 краінах Заходняй Еўропы быў выяўлены 41 закон, які парушае свабоду сумлення, слова
і сходу. Тут гаворка ідзе пра забарону на нашэнне рэлігійных сімвалаў, прымус урачоў
выконваць аперацыі, які супярэчаць іх хрысціянскім перакананням, парушэнне свабоды
бацькоў на выхаванне дзяцей паводле ўласных прынцыпаў, напрыклад, у сексуальнай сферы.
Адначаецца павелічэнне колькасці актаў вандалізму супраць хрысціянскіх святыняў. Усё
гэта, падкрэсліваецца ў справаздачы, “з’яўляецца невялікім і маўклівым пераследам,
які пагражае ператварыцца ў нешта больш вялікае і небяспечнае, калі не будзе своечасова
спынены”.