Францішак зацвердзіў тэму наступнага Сусветнага дня міру
“Братэрства – фундамент
і шлях да міру”, - так гучыць тэма наступнага 47-га Сусветнага дня міру, які штогод
адзначаецца па ініцыятыве Каталіцкага Касцёла 1 студзеня. Яе зацвердзіў асабіста папа
Францішак. Такім чынам, ён заклікае разглядаць братэрства ў якасці асновы міру. Ад
самага пачатку свайго служэння на пасадзе Біскупа Рыма ён запрашае да “культуры сустрэчы”,
каб разам ісці да свету больш справядлівага і мірнага. У спецыяльным паведамленні,
апублікаваным 31 жніўся Залай Друку Святога Пасаду, адзначаецца, што “братэрства з’яўляецца
спадчынай, якую кожны мужчына і жанчына носіць у сабе ў сілу таго, што з’яўляецца
чалавекам, сынам адзінага Айца". Таму, перад абліччам “беднасці, голаду, недаразвіцця,
канфліктаў, міграцыі, забруджвання навакольнага асяроддзя, няроўнасці, несправядлівасці,
арганізаванай злачыннасці, фундаменталізмаў – братэрства з’яўляецца фундаментам і
шляхам да міру”. Дамінуючая культура дабрабыту, гаворыцца ў паведамленні, спрыяе аслабленню
адказнасці і братэрскіх адносін. Бліжні часта ўспрымаецца як вораг, а бедны і патрабуючы
разглядаецца як “цяжар” або “перашкода для развіцця”.
Звяртаецца ўвага на тое,
што “глабалізацыя абыякавасці павінна саступіць месца глабалізацыі братэрства”, а
братэрства павінна ўвайсці ва ўсе сферы жыцця чалавека, уключаючы эканамічную, фінансавую,
грамадскую, палітычную, навуковую, культурную. Папа Францішак прапануе усім шлях братэрства,
каб надаць свету больш гуманнае аблічча, гаворыцца ў паведамленні Залы Друку.