Святы Айцец перадаў дар жыхарам бедных рэгіёнаў Аргентыны
Нягледзячы на тое,
што нацыянальны збор ахвяраванняў на патрэбы жыхароў бедных рэгіёнаў Аргентыны адбудзецца
толькі ў другую нядзею верасня, папа Францішак ужо перадаў свой дар. Святы Айцец адправіў
землякам 100 тыс. еўра, паведаміла Апостальская нунцыятура ў Буэнас-Айрэсе. Гэтыя
грошы паходзяць з Папскага дабрачыннага фонду, ахвяраванні для якога збіраюцца штогадова
ва ўрачыстасць св. Пятра і св. Паўла 29 ліпеня. Сродкі з Папскага дабрачыннага фонду
прызначаны на дапамогу бедным у розных кутках планеты. Нацыяльны збор ахвяраванняў
у Аргентыне пройдзе 8 верасня па ініцыятыве Каталіцкага Касцёла. Яго сёлетнім дэвізам
з’яўляюцца словы “Давяраем Тваёй дапамозе”. Яшчэ 8 жніўня, Святы Айцец заахвоціў аргентынскіх
католікаў прыняць актыўны ўдзел у гэтай дабрачыннай ініцыятыве. Акрамя таго, Францішак
заклікаў аргентынцаў “усё больш станавіцца падобнымі да Хрыста, умацоўваючы сяброўства
з Ім праз малітву і ўдзел у сакрамэнтах”. Гэта, на думку Святога Айца, дапаможа знайсці
сілы, каб “бесперапынна аказваць каштоўнае служэнне і падтрымліваць найбольш патрабуючых,
асабліва самых бедных”.
Падчас нацыянальнага збору ахвяраванняў у мінулым
годзе, аргентынскія католікі сабралі каля 3 млн. долараў. Дзякуючы гэтым грошам былі
рэалізаваны шматлікія праекты на карысць насельніцтва самых бедных рэгіёнаў краіны.