Арцыбіскуп Паралін: мір – адзін з галоўных клопатаў ватыканскай дыпламатыі
Арцыбіскуп Пьетра
Паралін, новапрызначаны Дзяржсакратар Яго Святасці Папы, адзначыў, што клопат пра
мір у свеце заўсёды знаходзіўся ў цэнтры ўвагі Рымскіх Пантыфікаў. Паводле ватыканcкага
дыпламата, Францішак працягвае шлях Бэнэдыкта ХV, які прыкладаў шмат намаганняў, каб
не дапусціць пачатку І Сусветнай вайны. У інтэрв’ю венесуэльскаму часопісу “Diario
Católico” іерарх нагадаў таксама пра дзейнасць Пія ХІІ, які падчас ІІ Сусветнай вайны,
імкнуўся зблізіць людзей паміж сабой і праз гэта дасягнуць міру. Ён падзяліўся, што
“быў непасрэдным сведкам” намаганняў Яна Паўла ІІ па прадухіленні вайны ў Іраку.
“Мне здаецца, што папа Францішак ідзе тым самым шляхам: шляхам самага галоўнага клопату
Апостальскай Сталіцы, якім з’яўляецца мір у свеце”, - сказаў арцыбіскуп Паралін.
Іерарх
адзначыў, што захаванне міру ў свеце не з’яўляецца мэтай працы ватыканскай дыпламатыі,
але напэўна, адной з прычын яе існавання. Паводле арцыбіскупа Параліна дыпламатыя
Апостальскай Сталіцы мае добрую рэпутацыю ў свеце, таму што дзейнічае па-над нацыянальнымі
інтарэсамі, часта вельмі асаблівымі. Ён дадаў, што дзеянні Святога Пасаду заўсёды
скіраваны на агульнае дабро чалавецтва.