Арцыбіскуп Генсвайн: прысутнасць Бэнэдыкта XVI на кананізацыі Яна Паўла ІІ – магчыма
Арцыбіскуп Георг Генсвайн,
асабісты сакратар Бэнэдыкта XVI і прэфект Папскага Дому, адзначыў што Пантыфік на
пенсіі не вядзе ізаляванага жыцця і прымае ў сябе гасцей. Канешне, гэта “здаровая
колькасць”, каб сустрэчы прыносілі прыемнасць, а не былі цяжарам, сказаў ён. Іерарх
прызнаўся, што падчас святаў Божага Нараджэння да Бэнэдыкта XVI завітае яго брат.
Кс. Георг Ратцынгер застанецца ў кляштары “Mater Ecclesiae” да канца студзеня. Арцыбіскуп
таксама сказаў, што нягледзячы на свой узрост , Папа на пенсіі знаходзіцца ў добрым
здароўі. “Бэнэдыкт XVI у парадку. Ён пажылы чалавек, але ў яго вельмі ясны розум,
вельмі востры”, - сказаў ён.
Праз некалькі месяцаў адбудзецца кананізацыя Яна
Паўла II. Асабісты сакратар Бэнэдыкта XVI сказаў, што не ведае, ці Пантыфік на пенсіі
прыме ўдзел у набажэнстве, але дадаў, што гэта цалкам магчыма.