Папа звярнуўся да ўдзельнікаў мірнай канферэнцыі па Сірыі
22 студзеня 2014 г.
папа Францішак звярнуўся з заклікам у сувязі з пачаткам ў швейцарскім Мантрё мірнай
канферэнцыі па Сірыі, працягам якой стануць мірныя перамовы, запланаваныя на 24 студзеня
ў Жэневе паміж варагуючымі бакамі. “Малю Пана, каб дакрануўся да сэрцаў усіх, каб,
шукаючы выключна найвыйшэшага дабра сірыйскага народа, не шкажавалі сілаў для тэрміновага
спынення насілля і заканчэння канфлікту, які ўжо выклікаў празмерныя пакуты”, - сказаў
Папа. Францішак пажадаў “дарагому сірыйскаму народу” рашуча крочыць да прымірэння,
згоды і адбудовы пры ўдзеле ўсіх грамадзян. Ён заклікаў сірыйцаў “убачыць у бліжнім
не ворага, не суперніка, але брата, якога трэба прыняць і абняць”.
У мірнай
канферэнцыі, якая атрымала назву “Жэнева-2”, прымае ўдзел дэлегацыя Апостальскай Сталіцы,
у якую ўваходзяць арцыбіскуп Сільвана Тамазі, пастаянны назіральнік Святога Пасаду
пры ААН і іншых міжнародных арганізацыях у Жэневе, а таксама кс. прэлат Альберта Артэга
Марцін, супрацоўнік Дзяржсакратарыяту Яго Святасці Папы.