Святы Пасад на “Жэнева-2”: перамовы – адзіны спосаб спыніць насілле
Святы Пасад лічыць
агульнай мэтай канферэнцыі “Жэнева-2” – спыніць ваенныя дзеянні ў Сірыі, заявіў арцыбіскуп
Сільвана Тамазі нямецкаму каталіцкаму інфармацыйнаму агенцтву “KNA” 21 студзеня 2013
г. Перамовы, сказаў ён, гэта адзіны спосаб спыніць насілле. Адзін мільён дзяцей-бежанцаў
гаворыць аб “непрымальнай гуманітарнай праблеме”. Прадстаўнік Апостальскай Сталіцы
ў ААН выказаўся асцярожна пра перспектывы форуму ў Мантрё. “Цяжка гуляць у прарока”,
- сказаў арцыбіскуп Тамазі. “Тое, што можна назіраць, гэта пазітыўны крок на шляху
да больш сур’ёзнага дыялогу”, - дадаў ён. “Ясна, што мір прывязаны да ўмоў і сітуацый,
якія ляжаць за межамі Сірыі”, - заявіў ватыканскі дыпламат. Ён назваў гэта “вайной
чужымі рукамі”, за якую расплочваюцца сірыйскія грамадзяне. Таму апрача канфліктуючых
бакоў і міжнароднай супольнасці ў рашэнне, паводле іерарха, павінны ўключыцца такія
дзяржавы як: Саудаўская Аравія і Іран.
Апостальская Сталіца пастаянна сочыць
за становішчам хрысціян у Сірыі. У той жа час, захаванне хрысціянскай супольнасці
ляжыць у інтарэсах самой Сірыі. “Прысутнасць хрысціян дапамагае будаваць дэмакратычнае
грамадства”, - сказаў арцыбіскуп. Першаснай мэтай іерарх лічыць спыненне насілля ў
краіне, уступленне ў перамовы, распачацце аднаўлення і адкрыццё магчымасці працаўладкавання
для маладых людзей.