Легіянеры Хрыста вырашылі
пераглядзець харызмат супольнасці, дыстанцуючыся ад асобы свайго заснавальніка, у
якасці прыкладу да наследвання, і яго асабістых запісаў, у якасці кіраўніцтва ў духоўным
жыцці. Пра гэта гаворыцца ў спецыяльным паведамленні, апублікаваным 6 лютага 2014
г., хутка пасля заканчэння генеральнага капітула кангрэгацыі, які праходзіў у Рыме.
Манаская супольнасць “Легіянеры Хрыста” была заснавана ў Мексіцы ў 1941 г. кс. Марсьялем
Масьелем. Некалькі гадоў таму былі выяўлены сур’ёзныя амаральныя паводзіны заснавальніка,
пасля чаго Бэнэдыкт XVI заклікаў да ачышчэння кангрэгацыі і прызначыў у сувязі з гэтым
свайго спецыяльнага дэлегата кардынала Веласіа Дэ Паоліса.
Удзельнікі капітула
рашуча асудзілі ўчынкі заснавальніка супольнасці і выказалі жаданне “адкупіць сваю
балючую гісторыю, перамагаючы дабром наступствы зла”. “Толькі так зможам знайсці евангельскі
сэнс таму, што адбылося, і будаваць нашу будучыню на моцным фундаменце даверу да Бога,
вернасці Касцёлу і праўдзе”, - гаворыцца ў паведамленні. Акрамя таго, яны нагадалі,
што Бэнэдыкт XVI назваў супольнасць “здаровай”, але патрабуючай зменаў. Гэтыя змены,
акрамя перагляду харызмата, будуць тычыцца кіравання кангрэгацыяй і фармацыі яе членаў,
гаворыцца ў паведамленні.