Кардынал Каспер: з абраннем Францішка наступіла новая “культура ва ўздыманні рашэнняў”
З абраннем папы Францішка
наступіла новая культура ў прыняцці рашэнняў у Ватыкане, лічыць былы старшыня Папскай
рады спрыяння хрысціянскаму адзінству, кардынал Вальтэр Каспер. “Папа імкнецца да
свабоднай дыскусіі”, - сказаў журналістам у Мюнхене нямецкі пурпурат. 14 лютага 2014
г. ён атрымаў Нямецкую прэмію культуры. Кардынал Каспер у пантыфікаце Францішка бачыць
новыя магчымасці для экуменізму. На думку іерарха, Папа можа прыўнесці да яго свой
вопыт працы з праваслаўнымі, пяцідзесятнікамі і габрэямі, калі быў арцыбіскупам Буэнас-Айрэса.
Былы старшыня ватыканскай дыкастэрыі нагадаў, што кардынал Хорхе Марыя Берголіа заўсёды
выкарыстоўваў у сваёй працы паняцце “прыміранай разнастайнасці”, і “кніжны дыялог
замяніў у сяброўства з рабінам”.
Іерарх нагадаў, што ў экуменічным дыялогу
яго ўдзельнікі высказваюцца за адзінства, аднак з тэалагічнага боку кожны яго разумее
інакш, што неабходна хутка ўдакладніць. У гэтым кантэксце кардынал заклікаў хрысціянскія
канфесіі больш грунтоўна задумацца над гэтым пытаннем.
Кардынал Каспер, які
да 2010 г. кіраваў Папскай радай спрыяння хрысціянскаму адзінству, падкрсэліў значэнне
сваіх асабістых сустрэч з хрысціянамі іншых Цэркваў. “Калі існуе сяброўства і давер,
тады ўсё ідзе па добрай дарозе”, - сказаў іерарх.