Святы Айцец і кардыналы заклікалі да міру і паяднання ва ўсім свеце
Падчас надзвычайнага
кансісторыя Папа і Калегія кардыналаў асаблівым чынам маліліся за шматлікіх хрысціян,
якія, у розных частках свету ўсё часцей становяцца ахвярамі актаў нецярпімасці і пераследу.
Тым, хто пакутуе дзеля Евангелля, Святы Айцец і кардыналы паабяцалі сваю пастаянную
малітву і заклікалі цвёрда стаяць у веры і дараваць сваім ганіцелям, заявіў кс. Фэдэрыка
Ламбардзі 21 лютага 2014 г. у сваёй спецыяльнай заяве. На кансісторыі была таксама
выказана салідарнасць з народамі, якіх раздзіраюць унутраныя канфлікты або сур’ёзная
напружанасць. Тут гаворка ідзе пра Паўднёвы Судан і Нігерыю, дзе працягваюцца напады,
якія забіраюць шмат нявінных жыццяў, і, у той жа час, пашыраецца клімат абыякавасці.
Была выказана “асаблівая заклапочанасць” “драматычнай эвалюцыяй сітуацыі ва
Украіне”, гаворыцца ў дэкларацыі кіраўніка Залы Друку Святога Пасаду, і прагучаў заклік
“аператыўна спыніць насілле і аднавіць гармонію і мір”.
Занепакоенасць Папы
і кардыналаў звязана таксама з сітуацыяй у Сірыі і Цэнтральнаафрыканскай Рэспубліцы.
Тут усё больш і больш актуальнай становіцца ініцыятыва міжнароднай супольнасці па
забеспячэнні спакою і прымірэння ўнутры гэтых краін, аднаўлення бяспекі і вяршэнства
закона.
Многія канфлікты падаюцца памылкова як рэлігійныя, але ў першую чаргу
іх карані маюць этнічнае, палітычнае ці эканамічнае паходжанне, было заўважана ў заяве.
Каталіцкі Касцёл асуджае ўсе віды насілля ў імя рэлігійнай прыналежнасці і будзе працягваць
падтрымліваць імкненне да міру і паяднання праз міжрэлігійны дыялог і шматлікія дабрачынныя
ініцыятывы ў любым пункце свету, гаворыцца ў дэкларацыі кс. Ламбардзі, прымеркаванай
да надвычайнага кансісторыя.