Трансляцыя кананізацыі Пантыфікаў у кінатэатрах свету
Трансляцыя кананізацыі
благаслаўлёных Яна ХХІІІ і Яна Паўла ІІ, якая пройдзе на плошчы св. Пятра 27 красавіка
2014 года, будзе адбывацца ва ўсіх кутках свету, дзякуючы сумеснай ініцыятыве Ватыканскага
тэлевізійнага цэнтру, а таксама кампаній “Sky”, “Sony” і “Nexco Digital”. Прамая трансляцыя
з плошчы св. Пятра будзе ажыцяўляцца ў 500 кінатэатрах свету. У многіх з іх у высокай
якасці і 3D вымярэнні. Уваход на прагляд цырымоніі кананізацыі будзе бесплатны.
Самая
вялікая колькасць кінатэатраў, якія пажадалі прыняць удзел у ініцыятыве знаходзіцца
ў Італіі і ЗША – больш за 100 кінатэатраў у кожнай з гэтых краін. Таксама трансляцыі
пройдуць у гарадах Аўстрыі, Бельгіі, Вялікабрытаніі, Францыі, Ірландыі, Іспаніі,
Аргентыны, Бразіліі, Чылі, Калумбіі, Мексікі, Уругвая і Лівана. У краінах Усходняй
Еўропы трансляцыя будзе арганізавана ў кінатэатрах Польшчы, Чэхіі, Харватыі і Босніі
і Герцагавіны.