У канцы агульнай аўдыенцыі
23 красавіка 2014 г. папа Францішак выказаў салідарнасць з працаўнікамі металургічнага
камбіната “Lucchini” у італьянскім П’ёмбіна, які знаходзіцца ў стадыі закрыцця. Перад
згашэннем даменнай печы, што адбылося 22 красавіка 2014 г. увечары, металургі пераслалі
Святому Айцу свой відэа-зварот. “Дарагія работнікі, дарагія браты, на вашых тварах
адлюстраваўся глыбокі смутак і непакой бацькоў сем’яў, якія патрабуюць павагі да свайго
права на працу, на годнае жыццё і клопат аб тым, кам накарміць і выхаваць сваіх дзяцей.
Будзьце ўпэўнены ў маёй салідарнасці і малітве. Не знеахвочвайцеся, Папа з вамі і
моліцца за вас, каб, калі згасне чалавечая надзея, заяснела надзея Божая, што ніколі
не расчароўвае”, - сказаў Святы Айцец. Ён заклікаў адказных асоб прыкласці ўсе намаганні
і, выкарыстоўваючы крэатыўнасць і вялікадушнасць, аднавіць надзею ў сэрцах металургаў
з “Lucchini” і сэрцах усіх беспрацоўных, якія апынуліся ў такой сітуацыі праз эканамічны
крызіс. “Прашу вас, расплюшчыце вочы і не заставайцеся са складзенымі рукамі!”, -
сказаў Пантыфік.