Францішак спачувае ў сувязі са смерцю італьянскага кардынала

Пантыфік накіраваў свае спачуванні ў сувязі са смерцю кардынала Франчэска Маркізана. Ён назваў іерарха “выдатным сынам” італьянскай зямлі. Папа з удзячнасую ўзгадвае гэтага “дарагога пастыра”, які на працягу многіх гадоў адзначаўся “сваім руплівым супрацоўніцтвам” з Апостальскай Сталіцай, асабліва падчас працы ў Кангрэгацыі Каталіцкай Адукацыі, а затым у якасці арцыпрэзбітэра ватыканскай базылікі і кіраўніка Бюро працы Апостальскай Сталіцай. “Ён заставіў пасля сябе сведчанне жыцця, адзначанага шчодрасцю ў адносінах да свайго паклікання, як святара і біскупа”, - напісаў Францішак і дадаў, што памерлы глыбока адчуваў патрэбы вернікаў і быў адкрыты да свету мастацтва і культуры. Святы Айцец паведаміў, што ўзносіць малітвы, каб Пан вітаў памерлага іерарха ў вечнай радасці і спакоі.

Італьянскі кардынал Франчэска Маркізана памёр у нядзелю 27 ліпеня 2014 г. раніцай у Рыме ва ўзросце 85 гадоў. Ён паходзіў з ваколіц Турына. Быў спецыялістам па біблійнай тэалогіі і ў 1993 па 2003 гг. кіраваў Папскай камісіяй па культурнай спадчыне Касцёла. Пасля гэта Ян Павел II прызначыў яго арцыпрэзбітэрам базылікі св. Пятра, генеральным вікарыем для Дзяржавы Ватыкан і кіраўніком Фабрыкі св. Пятра. У 2003 г. яму быў уручаны кардынальскі берэт. 25 чэрвеня 2014 г. іерарх адсвяткаваў свой 85-гадовы юбілей.

Пахавальная св. Імша адбудзецца ў сераду 30 ліпеня 2014 г. Узначаліць яе дэкан Калегіі кардыналаў кардынал Анджэла Садана. На развітальнай цырымоніі будзе прысутнічаць папа Францішак.

Пасля смерці кардынала Маркізана Калегія кардыналаў налічвае 212 членаў.