Прадстаўнік Святога Пасаду пацвердзіў санкцыі адносна парагвайскага біскупа
Святы Пасад увёў дысцыплінарныя
санкцыі ў адносінах да парагвайскага іерарха. Біскуп Рахеліа Рыкарда Лів’ерэс Плана,
які ўзначальвае дыяцэзію Сьюдад-дэль-Эстэ, не будзе мець магчымасці нейкі час здзяйсняць
святарскія пасвячэнні, сказаў кіраўнік Залы Друку Апостальскай Сталіцы, кс. Фэдэрыка
Ламбардзі. Ён пацвердзіў інфармацыю, якая была апублікавана ў лацінаамерыканскіх СМІ.
Забарона здзяйснення пасвячэнняў была выкарыстана ў якасці “ахоўнай меры”, сказаў
прадстаўнік Святога Пасаду. Увядзенне санкцый было спалучана з кананічным расследаваннем
падзей у дыяцэзіі Сьюдад-дэль-Эстэ і прызначэннем папскага пасланніка. Апостальская
візітацыя была здзейснена кардыналам Сантас Абрыль-і-Кастэлья, даверанай асобай папы
Францішка. Іерарх неўзабаве прадставіць Святому Айцу падрабязную справаздачу.
Біскуп
Лів’ерэс з’яўляецца членам “Opus Dei”. Ён быў на працягу некалькіх гадоў у Буэнас-Айрэсе
рэгіянальным вікарыем, заснаванай у Іспаніі ў 1928 г. Персанальнай прэлатуры. Яго
гучныя заявы ў чэрвені 2014 г. у бок арцыбіскупа Асунсьён і заклік да выключэння яго
з Касцёла выклікалі сапраўдны скандал.