Святы Айцец да міністрантаў: Бог хоча, каб вы былі свабоднымі
Езус хоча, каб людзі
былі свабоднымі, – з такімі словамі папа Францішак звярнуўся да нямецкамоўных міністрантаў,
якія прымаюць удзел у вялікай пілігрымцы ў Рым, пад дэвізам “Свабодныя! Таму нам дазволена
рабіць дабро”. 5 жніўня 2014 г. на плошчы св. Пятра пачалася вялікая сустрэча ў якой
прымаюць удзел юнакі і дзяўчаты з дыяцэзій Германіі, Аўстрыі і Швейцарыі. Пасля музычнай
праграмы, тут адбылася малітва, у рамках якой Святы Айцец звярнуўся да прысутных з
кароткай прамовай. Папа нагадаў, што праз Езуса Хрыста Бог споўніў тое, што даўно
жадаў паказаць людзям – што з’яўляецца добрым Айцом. “А як зрабіў гэта? Праз уцелаўленне
свайго Сына, які стаў адным з нас. Праз гэтага канкрэтнага чалавека, імя якому Езус,
мы можам зразумець тое, што Бог па-сапраўднаму жадае. Ён хоча, каб людзі былі свабоднымі,
каб адчувалі сябе абароненымі, як дзеці добрым Айцом”, - сказаў Папа.
Паводле
Францішка, каб споўніць гэты план, Богу спатрэбіўся толькі адзін чалавека – жанчына,
маці, якая дала свету Божага Сына. “Марыя была цалкам свабоднай. Праз сваё “так”,
яна зрабіла дабро назаўсёды. Такім чынам паслужыла Богу і людзям”, - адзначыў Папа
і заклікаў міністрантаў ісці за яе прыкладам, калі жадаюць ведаць тое, што Бог чакае
ад сваіх дзяцей.
У сустрэчы нямецкамоўных міністрантаў прымаюць удзел каля
50 тыс. чалавек. Многія групы прыбылі ў Рым яшчэ 1 жніўня 2014 г. На працягу тыдня
яны наведваюць касцёлы, прымаюць удзел у экскурсіях і знаёмяцца з культурным і духоўным
багаццем Вечнага горада.