Візіт Святога Айца
ў Паўднёвую Карэю закончыўся 18 жніўня 2014 г. Каля 18.00 самалёт з Пантыфікам на
борце прызямліўся ў рымскім аэрапорце “Ciampino”. Па дарозе ў Ватыкан, Папа па традыцыі
заехаў у базыліку Санта Марыя Маджорэ, каб падзякаваць Маці Божай за падарожжа і даверыць
яе апецы плёны гэтай пілігрымкі. Ён усклаў на алтар перад абразом Маці Божай Снежнай
маленькі квяточны букет. Яшчэ ў самалёце Пантыфік расказаў, што з самага пачатку было
запланавана прывесці кветкі з Карэі. Яны павінны былі мець колеры нацыянальнага сцягу
гэтай краіны. Але перад самым адлётам у нунцыятуру ў Сеуле зайшла дзяўчынка, якая
падаравала Святому Айцу маленькі букет ружаў. “Тады мы сказалі: прынясем Маці Божай
менавіта гэтыя кветкі, ад дзяўчынкі з Карэі”, - расказаў Папа.