Нямецкія біскупы: мусульманскія лідэры павінны заняць ясную пазіцыю адносна сітуацыі
ў Іраку
“Тэрор у Іраку павінен
быць спынены, а пазбаўленым даху над галавой павінна быць дадзена магчымасць, як мага
хутчэй вярнуцца ў свае дамы”, - гаворыцца ў спецыяльным звароце Канферэнцыі Біскупаў
Германіі. Нямецкія іерархі, між іншым, звярнуліся да мусульманскай супольнасці. Іерархі
рашуча адмаўляюць меркаванне аб гвалтоўнай прыродзе іслама. “Ісламская дзяржава Ірака
і Леванты і іслам – гэта не тое самае”, - гаворыцца ў звароце. Але ў той жа час, біскупы
Германіі заклікаюць мусульманскіх лідэраў заняць ясную пазіцыю. “Мусульмане, якія
любяць мір і якія ў’яўляюць сабой большасць, павінны спытаць сябе, якія фактары дазволілі
развіццё хвалюючых тэндэнцыі ў іх рэлігійнай супольнасці”, адзначаецца ў дакуменце.
Нямецкія
каталіцкія іерархі закранулі таксама тэму ўзбраення курдаў, якая шырока абмяркоўваецца
ў грамадстве Германіі. Калі вайсковыя дзеянні, уключаючы запеспячэнне зброяй, не з’яўляюцца
аўтаматычна сродкам для гарантавання міру і бяспекі, у некаторых выпадках, калі пытанне
ідзе пра “знішчэнне цэлых этнічных груп і цяжкія парушэнні правоў чалавека”, міжнародная
супольнасці мае абавязак якім-небудзь спосабам спыніць несправядлівага агрэсара, каб
“не дапусціць яшчэ горшых злачынстваў”, як сцвярджае каталіцкае навучанне аб справядлівым
міры.
Канферэнцыя Біскупаў Германіі заклікае да малітвы і гуманітарнай дапамозе
ахвярам пераследу на Блізкім Усходзе: “Гэта не толькі адказнасць краін рэгіёна. Усе
могуць зрабіць свой унёсак, таксама будучы адкрытымі на прыняцце бежанцаў”, адзначаецца
ў звароце.