“Мы не абвяшчаем Евангелле,
каб пераконваць мудрымі словамі, але з пакорай, таму што сілай Божага Слова з’яўляецца
сам Езус і толькі той, хто мае адкрытае сэрца яго прымае”,- сказаў папа Францішак
падчас ранішняй Эўхарыстыі. 1 верасня 2014 г. Святы Айцец цэлебраваў ў Доме св. Марты
першую пасля летняга перапынку св. Імшу з удзелам вернікаў. Каментуючы літургічныя
чытанні з сённяшняга дня Пантыфік патлумачыў чым з’яўляецца Божае Слова і як яго прымаць.
Папа нагадаў пасланне апостала Паўла да Карынцыянаў, у якім Апостал Народаў кажа,
што не прыйшоў да іх, каб пераконваць іх рознымі аргументамі, словамі, прыгожымі фігуркамі.
“Не я прыйшоў да вас у іншы спосаб, у іншым стылі. Я прышоў, каб паказаць вам Святога
Духа і яго сілу. Таму, каб ваша вера падтрымлівалася не чалавечай мудрасці, але сілы
Бога. Бо Божае Слова гэта іншая рэч, яно не падобнае да чалавечага слова, слова мудрасці
, слова навуковага, філасофскага.... не: гэта іншая рэч. Яно прыходзіць у іншы спосаб
”, - адзначыў Папа.
Тое ж самае адбываецца ў выпадку Езуса, калі Ён пракаментаваў
словы Святога Пісання ў сінагодзе ў Назарэце. Яго суайчыннікі з пачатку прымаюць словы
Хрыста з захапленнем, але затым пачынаюць злавацца і хочуць нават Яго забіць.Францішка
адзначыў, што іх рэакцыя звязана з тым, што Божае Слова вельмі адрозніваецца ад чалавечага
слова, таму што Слова Божае гэта сам Езус, той Езус, які стаў “прычынай сканадалу”
у свеце. “Крыж Хрыста становіцца скандалам. І менавіта Езус Хрыстус, Пан, з’яўляецца
сілай Божага Слова. Папа падкрэсліў, што гэтае Слова Божае мы можам прыймаць чытаючы
штодзённа ўрывак з Евангелля.
“Чаму, каб навучыцца? Не!, Але каб знайсці Езуса,
таму што Ён знаходзіцца ў Сваім Слове, у сваім Евангеллі. Кожны раз, калі я чытаю
Евангелле , знаходжу Езуса. Але як я прымаю гэтае Слова? Трэба яго прымаць так, як
прымае Езус, значыць з адкрытым і пакорным сэрцам, у духу Благаславенняў. Таму што
так прыйшоў Езус, у пакоры і беднасці. І прыбыў з намашчэннем Святога Духа”, - сказаў
Францішак.
Папа адзначыў, што калі мы хочам пачуць і прыняць Слова Божае, мы
павінны маліцца да Святога Духа і прасіць гэтага намашчэння сэрца, якое з’яўляецца
намашчэннем Благаславенняў.