У нядзелю 20 верасня
2014 г. 20 маладых шлюбных пар з рымскай дыяцэзіі складуць прысягу сужэнскай вернасці
перад папам Францішкам. Цырымонія пройдзе ў базыліцы св. Пятра ў Ватыкане падчас св.
Імшы, якую ўзначаліць Пантыфік. Гэта падзея адбудзецца тры тыдні перад пачаткам надзвычайнага
зграмаджання Сінода біскупаў, які будзе прысвечаны душпастырству сем’яў. Яго працы
пройдуць 5-19 кастрычніка 2014 г.
Святы Айцец шмат разоў у сваім навучанні
і канкрэтных дзеяннях звяртаў увагу на важнасць сакрамэнту шлюбу і захавання яго духоўнага
характару. Напрыклад, 14 лютага гэтага года ён сустрэўся з каля 20 тыс. нарачоных
з усяго свету. У прамове да іх даў ім шмат парадаў, каб яны маглі як найлепш перажыць
свой саюз. “Дзейнічайце так, быццам бы гэта было сапраўднае свята, таму што шлюбны
саюз гэта хрысціянскае свята, а не свята з гэтага свету”, - сказаў тады Папа. Святы
Айцец нагадаў таксама, што сужэнства з’яўляецца “працай, якую трэба выконваць на працягу
ўсіх дзён і можна сказаць, працай, раместніка ці ювеліра. Вы павінны развівацца ў
чалавецтве як мужчына і жанчына”, - дадаў Пантыфік.
Пазней, у сваёй прамове
на групы афрыканскіх біскупаў, якія прыбылі з візітам “Ad limina” Святы Айцец звярнуў
увагу на святасць і непарыўнасць шлюнага саюзу. “ Хрысціянскае сужэнства з’яўляецца
саюзам любові заключаным паміж мужчынай і жанчынай, у якім існуе сапраўднае ахвяраванне
сябе, каб адысці ад ілжывых уяўленняў аб сексуальнай свабодзе, а спрыяць і стымуляваць
шлюбную вернасць”, - патлумачыў Папа. Пантыфік высока ацаніў праграмы падрыхтовак
да заключэння шлюбнага саюзу, якія даюць маладым людзям, як ён падкрэсліў, “новую
надзею на будучыню ў якасці мужоў і жонак, бацькоў і маці”.
Перад папам Францішкам,
св. Ян Павел ІІ падчас публічнай цырымоніі паблагаславіў многія шлюбныя пары падчас
Першай сустрэчы сем’яў са Святым Айцом, якая праходзіла ў Ватыкане 8-9 кастрычніка
1994 г. пад дэвізам: “Сям’я - сэрцам цывілізацыі любові”.