Францішак: вучэнне пра Анёлаў Ахоўнікаў не адносіцца да сферы фантастыкі
Анёлы Ахоўнікі існуюць,
а вучэнне пра іх не адносіца да сферы фантастыкі, адзначыў папа Францішак 2 кастрычніка
2014 г. падчас ранішняй Эўхарыстыі ў Ватыкане, у літургічны ўспамін святых Анёлаў
Ахоўнікаў. Пантыфік заўважыў, што кожны чалавек мае Анёла Ахоўніка побач з сабой.
“Колькі разоў мы чулі: “Гэтага ты не павінен рабіць, гэта не добра, будзь уважлівы.
Гэта голас нашага спадарожніка”, - адзначыў Святы Айцец. Папа параіў прыслухоўвацца
да яго, не супраціўляцца, бо чалавек не можа даваць парады сам сабе. Францішак заклікаў
кожнага верніка прааналізаваць адносіны са сваім Анёлам Ахоўнікам: “Ці слухаю яго?
Ці размаўляю з ім? Ці вітаю раніцай? Ці прашу бараніць падчас сну? Ці размаўляю з
ім? Ці прашу парады?”. Менавіта для гэтага Анёлы Ахоўнікі і былі пасланы Богам – каб
“бараніць і суправаджаць нас на шляху”, заўважыў Папа.