Папа да паралімпійцаў: у кожным чалавеку ёсць патэнцыял, якога мы не ўяўляем
4 кастрычніка 2014
г. папа Францішак прыняў на аўдыенцыі ў ватыканскай Зале Паўла VI членаў Італьянскага
паралімпійскага камітэта. Святы Айцец адзначыў: спартсмены з інваліднасцямі – гэта
прыклад таго, што спорт дапамагае пераадольваць любыя бар’еры. Каб дасягнуць поспеху
ў спорце, неабходны дух ахвярнасці, але калі ёсць інваліднасць, трэба яшчэ больш сілы,
пастаянства і адвагі, сказаў Францішак. Тут, на яго думку, важна знайсці групу сяброў,
якія падтрымаюць і якіх можна будзе падтрымліваць: “І так кожны можа даць лепшае з
сябе!”. “Спорт становіцца каштоўнай магчымасцю, каб убачыць адно ў адным братоў і
сясцёр, якія знаходзяцца ў дарозе, каб спрыяць культуры адкрытасці і непрыняцця культуры
выкідання на сметнік”, сказаў Папа. Святы Айцец заўважыў, што сведчанне паралімпійцаў
– гэта вялікі знак надзеі. “Гэта доказ таго, што ў кожным чалавеку ёсць патэнцыял,
які мы часам не ўяўляем і які можа развіцца дзякуючы даверу і салідарнасці”, - сказаў
ён. Пантыфік нагадаў спартсменам, што Бог ведае сэрца кожнага чалавека, любіць і дапамагае
ў росце і таму заклікаў памятаць, што ў сваіх намаганнях на карысць свету без бар’ераў,
яны не ў адзіноце. “Бог, наш Айцец, з вамі!”, сказаў ён.
На заканчэнне аўдыенцыі
Папа пажадаў паралімпійцам, каб спорт быў для іх “трэніровачнай залай ў якой будуць
штодзённа трэніравацца ў павазе да саміх сябе і да іншых; якая дасць магмасць пазнаваць
людзей і новыя асяродзі і дапаможа адчуваць сябе актыўнай часткай грамадства”; каб
праз спорт змаглі адчуць блізкасць Бога і сяброўства братоў і сясцёр.