У Львове адбылася сустрэча еўрапейскіх іерархаў Усходніх Касцёлаў
Усходнія каталіцкія
іерархі Еўропы нагадалі пра права на душпастрыскую апеку над сваімі вернікамі ва ўсім
свеце і абвяшчэнне Евангелле, тым, хто яго не ведае. Пра гэта гаворыцца ў пасланні
лідэраў Усходніх Касцёлаў, апублівакаваным па выніках іх штогадовага пасяджэння, якое
адбылося ў Львове 24-26 кастрычніка 2014 г., па ініцыятыве Рады Біскупскіх Канферэнцый
Еўропы. У дакуменце адзначаецца, што падзел, існуючы паміж хрысціянамі з’яўляецца
“эклезіялагічнай анамаліяй, якая не можа лічыцца нормай жыцця і місіі Касцёла”. Лідэры
Усходніх Касцёлаў выказалі жаданне дыялогу з Праваслаўлаўнымі Цэрквамі і падзялілі
з імі “заклапочанасць з прычыны культурных і грамадскіх тэндэнцый, якія вядуць да
дэхрысціянізацыі Еўропы”.
Удзельнікі львоўскай сустрэчы нагадалі, што мір на
Блізкім Усходзе не будзе дасягнуты без умяшання міжнароднай супольнасці на карысць
запеспячэння свабоды веравызнання і сумлення і інвеставання ў выхаванне новых пакаленняў,
здольных да дыялогу.
Іерархі адзначылі важнасць, для абвяшчэння Евангелля і
душпастырства вернікаў, адраджэння Украінскай грэка-каталіцкай Царквы. “Усяму ўкраінскаму
народу выказваем малітоўную блізкасць і салідарнасць з прычыны трываючага ўзброеннага
канфлікту на ўсходзе краіны, спалучанага са знешняй агрэсіяй, што прыносіць шмат пакутаў,
асабліва для грамадзянскага насельніцтва”, гаворыцца ў пасланні ўсходніх каталіцкіх
іерархаў.