“На зямлі спакой людзям
добрай волі” – гэтыя словы з Евангелля паводле св. Лукі (2,14) будуць тэмай адвэнтавых
казанняў, які падрыхтаваў прапаведнік Папскага дому айцец Раньера Канталамеса. На
працягу Адвэнту трохразова ён звернецца да Пантыфіка і супрацоўнікаў Рымскай курыі
са сваімі медытацыямі – 5, 12 і 19 снежня 2014 г. Па традыцыі сустрэчы будуць праходзіць
у капліцы “Redemptoris Mater” Апостальскага палацу Ватыкана. У інтэрв’ю “L’Osservatore
Romano” айцец Канталамеса патлумачыў абранне тэмы “балючай актуальнасцю” праблемы
спакою ў свеце, злучанай “з неабходнасцю вярнуць гэтаму слову багацце значэння, якое
яму надаецца ў Бібліі”. Прапаведнік лічыць тры свае адвэнтавыя казанні “маленькай
дапамогай для таго, каб па новаму пачуць абвяшчэнне Божага нараджэння, і каб пачаць
жыць у глыбіні душы пасланнем, якое Касцёл спяшаецца скіраваць да ўсіх людзей з нагоды
Сусветнага дня міру”.
Айцец Канталамеса падзяліўся, што першая медытацыя будзе
прысвечана спакою, як дару Бога ў Езусе Хрысце; другая – як абавязку, які неабходна
выканаць; а трэццяя – як плёну Святога Духа.