Твітэр-акаўнту Папы
споўнілася два гады. Менавіта 12 снежня 2012 г. на ім змясцілася першае кароткае паведамленне
Пантыфіка. Яго напісаў, з дапамогай электроннага планшэту, Бэнэдыкт XVI на заканчэнне
агульнай аўдыенцыі ў Зале Паўла VI. У той час Святы Айцец прывітаў вернікаў словамі:
“Дарагія сябры, я рады звязацца з вамі праз “Твітэр”. Дзякуй за вашы шчодрыя водгукі.
Я благаслаўляю ўсіх вас ад усяго сэрца”. Першы твіт Папы быў размешчаны на ўсіх моўных
версіях мікраблогу. Тады іх было восем: англійская, іспанская, італьянская, партугальская,
нямецкая, польская, арабская і французская. Пазней узнікла яшчэ адна – лацінская.
Францішак
пачаў карыстацца акаўнтам @Pontifex праз чатыры дні пасля свайго абрання на пасаду
Біскупа Рыма – 17 сакавіка 2014 г. З таго часу, колькасць яго карыстальнікаў пачала
расці ў асабліва хуткім тэмпе. На сённяшні дзень іх налічваецца больш за 17 млн.
Першапачаткова
твіт-паведамленні з’яўляліся на папскім акаўнце з нагоды агульных аўдыенцый, святаў
ці іншых важных падзей у жыцці Касцёла, але пазней яны сталі публікавацца штодзённа.
Дзякуючы сваёй прастаце, глыбіні і актуальнасці, яны разыходзяцца па сацыяльнай сетцы
праз дзесяткі тысяч “рэтвітаў”.