Базыліка св. Пятра
прадстане перад жыхарамі і гасцямі Вечнага горада ў новым святле. Вечарам 19 снежня
2014 г. яна ўпершыню будзе асветлена з дапамогай новай ілюмінацыйнай сістэмы. Гэта
адбудзецца падчас цырымоніі інаўгурацыі святочных ясляў і ёлкі на галоўнай ватыканскай
плошчы, у якой прыме ўдзел папа Францішак. На працягу некалькіх апошніх тыдняў у розных
частках фасаду базылікі, на яе купале і ўнутры самой святыні, былі ўстаноўлены каля
340 святлодыёдных лямпачак. Яны падкрэсляць архітэктурную структуру і танальнасць
колераў базылікі, а таксама дазволяць панізіць затраты на электраэнергію пры асвятленні
храма на 70%. Устаноўкай новай ілюмінацыйнай сістэмы займаўся найбуйнейшы італьянскі
энергетычны канцэрн “Acea”.