Францішак: самая вялікая беднасць – аддаленасць ад Бога
20 снежня 2014 г.
папа Францішак прыняў на аўдыенцыі ў Ватыкане каля 7500 тыс. членаў “Асацыяцыі Яна
ХХІІІ” – каталіцкага дабрачынна-асветніцкага руху, заснаванага ў 1968 г, члены якога
аказваюць дапамогу людзям з абмежаванымі магчымасцямі, праблемным падлеткам, наркаманам,
бездомным і падвергнутых іншым матэрыяльным і духоўным праблемам. Францішак нагадаў,
што сёння існуе шмат формаў беднасці, якія раняць сучасны свет. На думку Папы, самая
фундаментальная беднасць, якая з’яўляецца прычынай усіх іншых – гэта аддаленасць ад
Бога, жаданне рабіць усё без Яго. “Сляпой беднасцю з’яўляецца бачанне мэтай уласнага
жыцця матэрыяльнае багацце, пошук улады і задавальненняў, а таксама выкарыстанне жыцця
бліжняга для дасягнення ўласных памкненняў”, - сказаў ён. Святы Айцец падкрэсліў,
што прысутнасць Бога ў жыцці “пашырае гарызонты, аздараўляе думкі і эмоцыі, дае неабходныя
сілы, каб пераадольваць цяжкасці і выпрабаванні”. “Там дзе ёсць Пан – ёсць уваскрашэнне,
ёсць жыццё, таму што Ён сам – гэта ўваскрасенне і жыццё”, сказаў Пантыфік.
Папа
высока ацаніў дзейнасць асацыяцыі, прысутнай сёння ў 34 краінах свету са сваімі дамамі
для сем’яў, сацыяльнымі і адукацыйнымі кааператывамі, малітоўнымі цэнтрамі, ініцыятывамі
на карысць жанчын з праблемамі цяжарнасці і многімі іншымі. Францішак падзякаваў членам
руху за працу і нагадаў словы, якія любіў паўтараць яго заснавальнік, італьянскі святар
кс. Арэстэ Бэнцы: “Каб добра стаяць на нагах, трэба стаяць на каленях”.