18 студзеня 2015 г.
пачаўся Тыдзень малітваў за адзінства хрысціянаў, сёлетняй тэмай якога з’яўляюцца
евангельскія словы “Дай мне піць”, з якімі, паводле св. Яна (4,7), звярнулася да Хрыста
жанчына з Самарыі. Евангельскі ўрывак пра сустрэчу Збаўцы з самаранкай, ставіць перад
вернікамі прыклад любові, якая вышэй за усе падзелы выкліканыя канфесійнымі, этнічнымі
і культурнымі фактарамі. Менавіта таму ён быў выбраны ў якасці асновы для разважанняў
падчас Тыдня малітваў аб адзінстве хрысціянаў. Гэта ініцыятыва працягнецца да 25 студзеня.
У яе рамках Францішак, па традыцыі, прыме экуменічную дэлегацыю з Фінляндыі і ўзначаліць
урачыстыя Нешпары ў рымскай базыліцы св. Паўла за мурамі, у якіх прымуць удзел таксама
шматлікія прадстаўнікі хрысціянскіх Цэркваў і супольнасцяў, прысутных у Рыме.