Рым прымае еўрапейскае спатканне “Апостальства малітвы”

У Рыме праходзіць Еўрапейскае спатканне нацыянальных дырэктараў “Апостальства малітвы”. Гэта агульнакасцёльная асацыяцыя дзейнічае пад апекай айцоў езуітаў і прысутнічае ў цяперашні час у больш чым 100 краінах. Зараз апостальскае служэнне малітвы перажывае час абнаўлення, пошуку новых шляхоў дасягнення людзей. Менавіта аб гэтым ідзе размова на форуме. Асацыяцыя абноўленай мовай хоча гаварыць пра тое, што з’яўляецца найбольш важным у хрысціянскага жыцця, аб блізкасці да Хрыста і Эўхарыстыі. 

Апостальства вельмі звязана са Святым Айцом. Менавіта ён кожны год вызначае на кожны месяц інтэнцыі для членаў асацыяцыі.

Нядаўна ў асяроддзі Апостальства нарадзіўся дакумент, азагалоўлены “Шлях сэрца”. Гэта тэкст, які спасылаецца на Святое Пісанне, паказваючы, як вельмі Бог любіць чалавека. У ім гучыць заклік да малітвы і вяртання да культу Найсвяцейшага Сэрца Езуса.