Глыбокае спачуванне і малітоўную блізкасць ахвярам нядаўняга тэракту ў Бамако і іх сем’ям выказаў Францішак у спецыяльнай тэлеграме на імя арцыбіскупа сталіцы Малі. Папа аб’яднаны ў малітве з болем сем’яў загінулых.
Святы Айцец “даручыў усіх ахвяр Божай міласэрнасці, молячыся, каб Пан прыняў іх
у сваё святло”. Ён выказаў таксама “свае глыбокія спачуванні параненым і іх сем’ям,
просячы Пана даць ім суцяшэнне і спакой у іх цярпенні”, - гаворыцца ў тэлеграме, падпісанай
кардыналам Дзяржсакратаром Пьетра Паралінам. Францішак “засмучаны гэтым актам насілля,
які рашуча асуджае, просячы Бога аб навяртанні сэрца і дары спакою, а таксама выпрошвае
багацце Божага благаслаўлення ўсім, хто пацярпеў ад гэтай трагедыі”.
Атака на гатэль “Radisson Blu” ў сталіцы Малі Бамако адбылася 20 лістапада 2015 г.
У закладніках у баевікоў апынуліся 170 чалавек. Пасля яны адпусцілі людзей, якія змаглі
працытаваць фрагменты з Карана. Праз некалькі гадзін малійскія сілавікі вырашылі пайсці
на штурм, у выніку якога ўдалося вызваліць большасць закладнікаў. Ахвярамі атакі баевікоў,
па дадзеных уладаў краіны, сталі 19 чалавек.
All the contents on this site are copyrighted ©. |