Дакумент папы Францішка пасля Сіноду Біскупаў на тэму сям’і і сужэнства дакладна
не будзе выдадзены ў гэтым годзе, сказаў арцыбіскуп Георг Генсвайн. Прэфект Папскага
дому і асабісты сакратар Бэнэдыкта XVI, падчас сустрэчы-дыскусіі “Людзі ў Еўропе”,
арганізаванай выдавецкай групай “Passauer Neue Presse” ў Пасау, запэўніў, што “чаканне
дакумента не будзе доўжыцца занадта доўга”.
Арцыбіскуп Генсвайн не захацеў рабіць прагнозы адносна зместу дакумента, які традыцыйна
выдаецца ў форме Апостальскай адгартацыі. “Я не прарок і не чалавек, які піша за кагосьці”,
- сказаў ватыканскі іерарх і прызнаўся, што ён з цікавасцю чакае, якія пытанні з канчатковай
справаздачы Сіноду Пантыфік уключыць у свой дакумент.
All the contents on this site are copyrighted ©. |