cацыяльныя сеткі:

RSS:

App:

Ватыканскае радыё

Голас Папы і Касцёла ў дыялогу са светам

Старонкі іншых рэдакцый:

Грамадства \ Справядлівасць і мір

Ватыканскі дыпламат на канферэнцыі па Сірыі ў Брусэлі

Ватыканскі дыпламат на канферэнцыі па Сірыі ў Брусэлі - RV

08/04/2017 14:34

“Каталіцкі Касцёл працягне свае намаганні ў аказанні гуманітарнай дапамогі ахвярам вайны ў Сірыі”, - запэўніў сакратар па адносінах Апостальскай Сталіцы з дзяржавамі арцыбіскуп Пол Рычард Галахер падчас выступлення 5 красавіка 2017 г. на Міжнароднай канферэнцыі ў Брусэлі, прысвечанай будучыні Сірыі і рэгіёну.

“Святы Пасад глыбока занепакоены непамернымі чалавечымі пакутамі, якія абрынуліся на мільёны нявінных дзяцей і іншых мірных жыхароў, што застаюцца пазбаўленымі базавай гуманітарнай дапамогі, медыцынскіх і адукацыйных устаноў”, - выказаўся ватыканскі дыпламат адносна ваеннага канфлікту ў Сірыі, які доўжыцца ўжо сёмы год.

Ён заклікаў усіх удзельнікаў баявых дзеянняў паважаць міжнароднае гуманітарнае права, асабліва ў тым, што датычыць абароны мірнага насельніцтва, “не шкадаваць намаганняў, каб пакласці канец бясконцай спіралі жорсткасці і аднавіць салідарнасць, якая з’яўляецца асновай сацыяльнай еднасці і мірнага суіснавання”.

Арцыбіскуп Галахер выказаўся за павелічэнне фінансавай падтрымкі вымушаным перасяленцам, бежанцам і супольнасцям, якія іх прымаюць ў сумежных краінах. Паводле дыпламата, у 2016 г. Святы Пасад і Каталіцкі Касцёл, праз сетку сваіх дабрачынных арганізацый, пералічылі каля 200 млн долараў на гуманітарную дапамогу ахвярам вайны. 

Ён нагадаў таксама, што ў студзені 2016 г. ва ўсходняй частцы Алепа было адкрыта аддзяленне каталіцкай дабрачыннай арганізацыі “Caritas”, а таксама пра праект “Адкрытыя бальніцы”, мэта якога – адкрыццё каталіцкіх медыцынскіх устаноў у разбураных сірыйскіх гарадах. Прадстаўнік ватыканскай дыпламатыі заклікаў міжнародную супольнасці вырашыць праблему пераследу хрысціян і прадстаўнікоў рэлігійных меншасцяў на Блізкім Усходзе.


08/04/2017 14:34