Спачуванні Папы пасля пажару ў Лондане

Францішак быў глыбока засмучаны, калі даведаўся пра загінулых і параненых у выніку пажару ў Лондане, гаворыцца ў спачувальнай тэлеграме, скіраванавай за подпісам кардынала Дзяржсакратара Пьетра Параліна.

Святы Айцец “давярае душы загінулых поўнай любові міласэрнасці Пана і выказвае шчырыя спачуванні іх блізкім”. “З удзячнасцю за мужныя высілкі персаналу ратавальных службаў і ўсім, хто дапамагае асобам, што згубілі жыллё, Яго Святасць просіць Пана аб благаслаўленні, падтрымцы і міру для ўсёй мясцовай супольнасці”, - гаворыцца ў пасланні, скіраваным на імя арцыбіскупа Вэстмінстэрскага, старшыні каталіцкага епікапату Англіі і Уэльса, кардынала Вінсэнта Нікалса.

Пажар пачаўся ноччу 14 чэрвеня 2017 г. у 24-павярховым жылым доме ў заходняй частцы Лондана. На дадзены момант вядома па меншай меры аб 30 загінулых, многія лічацца зніклымі без вестак. Па інфармацыі паліцыі, колькасць ахвяр трагедыі можа скласці боль за 100 чалавек.