6 кастрычніка 2017 г. папа Францішак прыняў на аўдыенцыі ў Ватыкане прэм’ер-міністра Літвы Саулюса Скверняліса. Пасля размовы са Святым Айцом палітык сустрэўся з кардыналам Дзяржсакратаром Пьетра Паралінам, якога суправаджаў кс. Антуан Камільеры, падсакратар па адносінах Апостальскай Сталіцы з дзяржавамі.
У ходзе сардэчных перамоў падкрэсліваўся добры стан двухбаковых адносін і станоўчы ўнёсак, які на працягу стагоддзяў Каталіцкі Касцёл робіць у літоўскае грамадства. У гэтым кантэксце была ўзгадана постаць арцыбіскупа Тэафіла Матулёніса, беатыфікацыя якога была здзейснена ў чэрвені 2017 г.
Бакі абмеркавалі шэраг тэм, якія ўяўляюць для іх агульны інтарэс. Сярод іх – перспектывы далейшага працэсу еўрапейскай інтэграцыі, эміграцыя моладзі і прыняцце мігрантаў, падтрыманне міру і бяспекі на рэгіянальным і міжнародным узроўнях.
All the contents on this site are copyrighted ©. |