cацыяльныя сеткі:

RSS:

Ватыканскае радыё

Голас Папы і Касцёла ў дыялогу са светам

Старонкі іншых рэдакцый:

Пантыфік \ Сустрэчы і падзеі

Францішак прыняў старшыню ўрада Харватыі

Францішак прыняў старшыню ўрада Харватыі - EPA

07/10/2017 14:39

7 кастрычніка 2017 г. раніцай Святы Айцец Францішак прыняў на прыватнай аўдыенцыі старшыню ўрада Рэспублікі Харватыя Андрэя Пленкавіча. Таксама прайшла сустрэча палітыка з кардыналам Дзяржсакратаром Пьетра Паралінам, якога суправаджаў мансеньёр Антуан Камільеры, падсакратар па адносінах Святога Пасаду з дзяржавамі. 

Падчас шчырых размоў была выказана ўдзячнасць за добрыя адносіны, якія існуюць паміж Святым Пасадам і Рэспублікай Харватыя, а таксама за станоўчы ўклад Касцёла ў жыццё краіны. Гаворка ішла таксама пра працу змяшанай камісіі харвацкіх і сербскіх экспертаў па сумесным вывучэнні асобы благаслаўлёнага кардынала Алаізіе Стэпінаца.

Размову працягнуў абмен думкамі па некаторых тэмах, якія ўяўляюць узаемны інтарэс, у тым ліку адносна будучыні еўрапейскага праекта, уключаючы рэгіянальны кантэкст, з асаблівым акцэнтам на становішча харвацкага народа ў Босніі і Герцагавіне.


07/10/2017 14:39