cацыяльныя сеткі:

RSS:

Ватыканскае радыё

Голас Папы і Касцёла ў дыялогу са светам

Старонкі іншых рэдакцый:

Грамадства \ Навука і культура

Laudato Sì: у Рыме пройдзе форум па экалагічным выхаванні

Laudato Sì: у Рыме пройдзе форум па экалагічным выхаванні - AFP

10/02/2018 12:23

7-8 сакавіка 2018 г. у Папскім Грыгарыянскім універсітэце ў Рыме адбудзецца канферэнцыя “Радыкальнае экалагічнае навяртанне пасля Laudato Sì. Выяўляючы каштоўнасць, уласцівую ўсяму стварэнню”. Форум арганізуецца пры падтрымцы Пасольстваў Грузіі, Германіі і Нідэрландаў пры Святым Пасадзе.

Мерапрыемства збярэ разам святароў, законнікаў, навукоўцаў і настаўнікаў, каб прааналізаваць працэс уключэння ў акадэмічныя, рэлігійныя і грамадскія колы экалагічнага навучання Святога Айца Францішка, заключанага ў яго Энцыкліцы “Laudato Sì”, і ўсвядоміць неабходнасць рэарганізацыі чалавечага грамадства ў кірунку большай павагі да ўсяго жывога, гаворыцца ў прэс-рэлізе канферэнцыі.

Падчас яе працы будуць разглядацца спосабы, у якія Каталіцкі Касцёл на тэалагічным і духоўным узроўнях можа спрыяць больш шырокаму ўключэнню ў рэлігійныя адукацыйныя праграмы, этычнае і дактрынальнае вучэнне Касцёла, у літургічную практыку і місійнае служэнне ідэі экалагічнага выхавання.

Арганізатары форуму выказалі надзею, што ён стане “каштоўным унёскам у далейшае развіццё новай вучэбнай праграмы, прысвечанай “Laudato Sì”, у Папскіх універсітэтах Рыма, а таксама штуршком для далейшага вывучэння і абвяшчэння епіскапатамі асобных краін і каталіцкімі ВНУ, духоўнымі семінарыямі і манаскімі ордэнамі паслання, змешчанага ў гэтай энцыкліцы”.

Канферэнцыя пройдзе пры ўдзеле Дыкастэрыі па служэнні інтэгральнаму развіццю чалавека. Чакаецца таксама, што адмысловыя пасланні да ўдзельнікаў форуму скіруюць Пантыфік і Патрыярх Канстантынопальскі.


10/02/2018 12:23