cацыяльныя сеткі:

RSS:

Ватыканскае радыё

Голас Папы і Касцёла ў дыялогу са светам

Старонкі іншых рэдакцый:

Грамадства \ Навука і культура

Папскі ліст да ўдзельнікаў саміту па паліятыўнай дапамозе

Папскі ліст да ўдзельнікаў саміту па паліятыўнай дапамозе - AP

01/03/2018 11:08

Паліятыўная дапамога паказвае на глыбокае пакліканне медыцыны, якое, перш за ўсё, складаецца ў аказанні клопату, нават, калі вылячэнне не магчымае, адзначаецца ў лісце кардынала Дзяржсакратара Пьетра Параліна, напісанага ад імя Францішка, да ўдзельнікаў ватыканскага форуму, арганізаванага Папскай акадэміяй жыцця. Ён прайшоў у рамках праекту “PAL-LIFE”, мэтай якога з’яўляецца распаўсюджванне і развіццё паліятыўнай дапамогі.

Паліятыўнае лячэнне сведчаць аб тым, што з абмежаваннямі трэба не толькі змагацца, але і прызнаваць і прымаць іх, гаворыцца ў папскім лісце. А гэта значыць, быць побач з хворымі, суправаджаць іх у цяжкіх выпрабаваннях, якія прысутнічаюць на апошнім этапе жыцця. Калі ўсе рэсурсы вычарпаны, менавіта тады ўзнікае самы важны аспект чалавечых адносін – быць: прысутнічаць, знаходзіцца побач. Тут больш не месца падзелу і адзіноце, патрэбны сустрэча і зносіны. 

Логіка клопату звязана з вымярэннем “узаемазалежнасці любові”. Таму паліятыўная апека мае каштоўнасць не толькі для медыцынскай практыкі, але і ў больш агульным плане для ўсяго чалавецтва, гаворыцца ў пасланні да ўдзельнікаў ватыканскага форуму. Тут унікальную ролю адыгрывае сям’я, як месца, дзе салідарнасць паміж пакаленнямі прадстаўлена як складнік сувязі жыцця і ўзаемадапамогі падчас пакут і хваробы.

У папскім лісце ўвага звяртаецца і на пытанне абязбольвальнай тэрапіі. Падкрэсліваецца яе адрозненне ад эўтаназіі. Гучыць заклік да ўважлівага і асцярожнага ўжывання новых прэпаратаў, якія ўплываюць на рэляцыйны і камунікатыўны аспекты. Тут не можна забывацца або ігнараваць этычнага крытэрыю. Прапануецца разглядаць іх у якасці крайняй меры.

У Ватыкане форум такога ўзроўню на тэму паліятыўнай дапамогі праходзіў упершыню. Трэба нагадаць, што 28 лютага ва ўсім свеце адзначаўся Міжнародны дзень рэдкіх захворванняў.


01/03/2018 11:08