cацыяльныя сеткі:

RSS:

Ватыканскае радыё

Голас Папы і Касцёла ў дыялогу са светам

Старонкі іншых рэдакцый:

Грамадства \ Сям'я і моладзь

Афіцыйны дакумент пасля перадсінадальнай сустрэчы моладзі

Афіцыйны дакумент пасля перадсінадальнай сустрэчы моладзі

22/03/2018 15:08

Больш за 300 дэлегатаў з розных краін свету працуюць у Рыме над гістарычным дакументам, які павінен прадставіць панараму поглядаў, праблем і мар сённяшняй моладзі. Як падкрэсліваюць яго сааўтары, гэта будзе заклік да будавання Касцёла міласэрнасці і блізкасці да “звычайнага” чалавека.

Дакумент, што маладыя людзі ўручаць у Пальмовую нядзелю Францішку, будзе сфарміраваны ў выніку дыскусіі, якую удзельнікі падрыхтоўчай сустрэчы да кастрычніцкага Сіноду Біскупаў вядуць у гэтыя дні вакол 15 тэм, прапанаваных Сакратарыятам Сінода. Яны датычаць тоеснасці маладых людзей, іх поглядаў адносна веры, Касцёла, будучыні, прафесійных і сацыяльных выклікаў, пабудовы адносін, жыцця ў лічбавай прасторы. Важным элементам дэбатаў сталі меркаванні 15 тыс. карыстальнікаў інтэрнэту, якія заставілі свае допісы на спецыяльным профілі ў “Facebook”.

Бягучая сустрэча мае на мэце сабраць галасы не толькі вернікаў, але і тых, хто не атаясамлівае сябе з Касцёлам або адкрыта заяўляе, што не верыць у Бога.

Перадсінадальны моладзевы форум будзе працягвацца да суботы 24 сакавіка 2018 г. Распрацаваны дакумент будзе мець уплыў на Працоўны дакумент (Instrumentum Laboris) Сіноду Біскупаў.


22/03/2018 15:08