cацыяльныя сеткі:

RSS:

Ватыканскае радыё

Голас Папы і Касцёла ў дыялогу са светам

Старонкі іншых рэдакцый:

Грамадства \ Палітыка і эканоміка

Францішак прыняў Капітанаў-рэгентаў Сан-Марына

Францішак прыняў Капітанаў-рэгентаў Сан-Марына - REUTERS

23/03/2018 14:02

Святы Айцец Францішак прыняў 23 сакавіка 2018 г. на аўдыенцыі ў Ватыкане Капітанаў-рэгентаў Рэспублікі Сан-Марына, спадароў Матэа Фіарыні і Энрыка Каратоні. Пасля сустрэчы з Пантыфікам, кіраўнікі дзяржавы правялі перамовы з кардыналам Пьетра Паралінам, Дзяржаўным сакратаром Яго Святасці, якога суправаджаў арцыбіскуп Пол Рычард Галахер, сакратар па сувязях Святога Пасаду з дзяржавамі.

Падчас шчырых размоў было выказана вялікае задавальненне канструктыўнымі адносінамі паміж Святым Пасадам і Рэспублікай Сан-Марына і пацвержаны сумесныя намаганні па ўмацаванні двухбаковага супрацоўніцтва. Была дадзена станоўчая ацэнка ўкладу мясцовага Касцёла ў жыццё грамадства Сан-Марына, асабліва ў сацыяльнай і адукацыйнай сферах.

Увага звярталася на тэмы, якія ўяўляюць узаемны інтарэс. Гаворка ішла пра з’яву міграцыі, перспектывы і будучыню еўрапейскага праекта, а таксама міжнародную сітуацыю.

У Сан-Марына існуе рэспубліканская форма праўлення. Кіраўнікамі дзяржавы з’яўляюцца два Капітаны-рэгенты, якіх прызначае Вялікая Генеральная Рада. Яны абіраюцца на тэрмін 6 месяцаў і выконваюць функцыі кіраўнікоў дзяржавы, ажыццяўляючы выканаўчую ўладу. У сваю чаргу Вялікая Генеральная Рада з’яўляецца парламентам Рэспублікі і складаецца з 60 дэпутатаў, якія выбіраюцца ўсеагульным галасаваннем тэрмінам на 5 гадоў.


23/03/2018 14:02