cацыяльныя сеткі:

RSS:

Ватыканскае радыё

Голас Папы і Касцёла ў дыялогу са светам

Старонкі іншых рэдакцый:

Касцёл \ Касцёл у свеце

Чылійскі епіскапат: словы Папы ўспрымем з усёй пакорай

Чылійскі епіскапат: словы Папы ўспрымем з усёй пакорай - AP

15/05/2018 14:10

15-17 мая 2018 г. у адным з памяшканняў ватыканскай Залы Паўла VI адбываецца спецыяльная сустрэча Святога Айца з епіскапатам Чылі. У ёй прымаюць удзел 31 дыяцэзіяльны і дапаможны біскуп і 3 біскупы-эмерыты. Размовы носяць абсалютна канфідэнцыйны характар. Францішка суправаджае прэфект Кангрэгацыі па справах Біскупаў, кардынал Марк Уэле.

Напярэдадні сустрэчы з Папам генеральны сакратар епіскапату, біскуп Фернанда Рамас, і пастыр дыяцэзіі Сан-Бернарда, біскуп Хуан Ігнасіа Гансалес сустрэліся з журналістамі. Першы іерарх нагадаў, што Святы Айцец паклікаў чылійскі епіскапат у Ватыкан, каб разам зрабіць высновы з дакладу спецыяльнага папскага пасланніка, які нядаў вярнуўся з Чылі, а таксама вызначыць неабходныя меры для аднаўлення адзінства і справядлівасці. 

Іерарх паведаміў, што гаворка ідзе пра злоўжыванні, звязаныя з уладай, сумленнем і сексуальным насіллем, якія мелі месца ў апошнія дзесяцігоддзі ў Касцёле ў Чылі, а таксама пра механізмы, якія прывялі ў некаторых выпадках да хавання злачынстваў і грубай нядбайнасці адносна ахвяр. 

Другі момант заключаецца ў абмене высновамі, якія Пантыфік зрабіў пасля азнаямлення з дакладам свайго спецпасланніка, арцыбіскупа Чарльза Шыклуны. Трэцяя справа – агульная адказнасць усіх біскупаў за злоўжыванні і ўвядзенне неабходных змен, каб падобныя выпадкі ніколі не мелі месца ў будучыні.

Біскуп Рамас прызнаўся: “Наша стаўленне – гэта, перш за ўсё, боль і сорам”. Ён падкрэсліў, што чылійскі епіскапат будзе прасіць прабачэння. “З усёй пакорай мы будзем слухаць тое, што скажа нам Папа. Гэта вельмі важная падзея для аднаўлення Касцёла ў Чылі”, - дадаў генеральны сакратар епіскапату лацінаамерыканскай краіны.


15/05/2018 14:10