cацыяльныя сеткі:

RSS:

Ватыканскае радыё

Голас Папы і Касцёла ў дыялогу са светам

Старонкі іншых рэдакцый:
Ватыканскае радыё

Галоўная / Грамадства / Справядлівасць і мір

Савет Бяспекі ААН пра пераслед хрысціян


Савет Бяспекі ААН абмяркоўваў у мінулыя дні праблему пераследу хрысціян і іншых меншасцяў на Блізкім Усходзе. Ініцыятарам гэтай спецыяльнай сесіі была Францыя, якая ў цяперашні час кіруе працай Савета. Драматычную сітуацыю хрысціян прадставілі два каталіцкіх іерархі: пастаянны назіральнік Апостальскай Сталіцы пры Арганізацыі Аб’яднаных Нацый, арцыбіскуп Бернардзіта Ауса, і Халдэйскі Патрыярх, арцыбіскуп Луіс Сако з Багдаду. Гэтыя факты добра вядомыя, і ўсе ўдзельнікі сустрэчы, у тым ліку і Генеральны сакратар ААН прызнавалі, што сітуацыя сур’ёзная і патрабуе рэакцыі з боку міжнароднай супольнасці.

Ватыканскі дыпламат падкрэсліў у сувязі з гэтым, што адказнасць за абарону грамадзянскіх асоб ляжыць у такой сітуацыі на Арганізацыі Аб’яднаных Нацый. Арцыбіскуп Сако, у сваю чаргу, звярнуў увагу на неабходнасць падтрымкі намаганняў урада ў Багдадзе і курдскіх рэгіянальных уладаў. Ён падкрэсліў, што ініцыятыва таксама неабходная з боку міжнароднай супольнасці на больш нізкім узроўні, чым ААН. Гаворка ідзе пра Лігу арабскіх дзяржаў і Арганізацыю ісламскага супрацоўніцтва.

Патрыярх таксама прапанаваў шэраг канкрэтных крокаў, якія прывядуць да выпраўлення сітуацыі на Блізкім Усходзе. Перш за ўсё, неабходна дамагчыся ад краін рэгіёну на самой справе паважаць роўнасць усіх грамадзян. Рэлігійныя лідэры, у сваю чаргу, павінны змякчыць тон сваіх заяваў і належна тлумачыць рэлігійныя тэксты. Неабходна таксама рэформа адукацыі для абароны маладога пакалення ад экстрэмізму. Арцыбіскуп Сако прасіў пакарання для краін і асоб, якія якім-небудзь чынам падтрымліваюць тэрарызм.

Аналагічная прапанова прагучала з боку Францыі. Яна прапанавала, каб на заяву Савета Бяспекі ААН злачынствы, учыненыя ў адносінах да хрысціян і іншых меншасцяў на Блізкім Усходзе, пераследаваліся міжнародным трыбуналам. Францыя таксама патрабуе гарантаваць хрысціянскім бежанцам права на вяртанне дадому і забеспячэнне там іх бяспекі.

У сваю чаргу, Пан Гі Мун заявіў, што ў жніўні 2014 г. Арганізацыя Аб’яднаных Нацый афіцыйна прызнала, што ў раёнах, якія кантралююцца так званай Ісламскай дзяржавай ёсць пагроза генацыду. Ён запэўніў, што ААН рыхтуе праграму па супрацьдзеянні рэлігійнаму экстрэмізму. У жніўні яна будзе рэалізавана і будзе грунтавацца на супрацоўніцтве паміж рознымі рэлігійнымі лідэрамі.